Saaki hoNsh baaki hai ek aur jaam ho jaaye,
Tere maikhaane men ek aur shaam ho jaaye,
Gam-e-ishq ka mara aur dunia ka sataya hu,
Ek jaam aisa ho zindagi ko aaraam ho jaaye,
Teri mahafil men hi gam ko kam paata hoon,
To charcha kyun na ye sar-e-shaam ho jaaye,
Teri panaah men mujhe jo nayi zindagi mili,
Chal khuda jaisa tera bhi koi naam ho jaaye,
Is dunia men wafaa soch samaj ke hi karna,
Kahi meri tarah tu bhi na badnaam ho jaaye,
Ishq karne ki koi naseehat mat dena aye dost
Apne jaisa uska bhi wo anjaam na ho jaaye.
Subscribe to:
Post Comments (Atom)
No comments:
Post a Comment